Sufrajo femenin
El "Sufrajo femenin" el denòmena ła derito de voto estendesto a łe done. El movimento pułìtego che el ga cofà fin cueło là de esténdare el sufrajo a łe done el ze sta storegamente cueło là de łe sufrajete.
Le orìzeni moderne del movimento łe va resercae inte ła Fransa del XVIII secoło. Intrà i primi Paezi a concédar sto derito i zera stai ła Repùblega Corsa (inte el 1755), łe Ìzołe Pitcairn (inte el 1838), el Grandogado de Toscana (almanco dal 1849), ła Nova Zełanda (inte el 1893) el Teritòrio del Wyoming, za inte el 1869, l'Ìzoła de Man inte el 1881, Franceville inte łe Nove Èbridi. Racuanti de sti stati i ga avesto na curta ezistensa e altri no i ga mai avesto l'indipendensa. Un cazo particułare el revarda ła Svèsia, andove a racuante done el ghe ze sta concedesto el derito de voto inte el ndar de l'età de ła libartà (1718-1771) ma sto derito no el zera sta estendesto a tute.
El primo stato eoropeo a reconósar el sufrajo universałe ła ze sta ła Grandogado de Finlàndia co łe prime done ełezeste in parlamento inte el 1907.
In Rùsia inte el ndar de del goerno provizòrio in piena revołusion inte el novenbre del 1917, se ghea vesto l'ełesion par l'asenblea costituente a sufrajo universałe. Sufrajo che dopo el zera sta confermà inte ła costitusion soviètega del 1918.
El derito de voto a łe done el ze sta introduzesto inte ła lejislasion internasionałe inte el 1948 co che łe Nasion Unie łe ghea adotà ła Declarasion universałe dei deriti umani (védarse l'artìcuło 21).
El sufrajo femenin el vien anca ciaramente considarà un derito soto de ła Convension su l'ełiminasion de ogni forma de descriminasion de ła dona, adotada da łe Nasion Unie inte el 1979, sotoscrivesto da 189 nasion.
Notasion
[canbia | canbia el còdaxe]
Altri projeti
[canbia | canbia el còdaxe]Wikimedia Commons el detien imàjini o altri file so Sufrajo femenin
Linganbi foresti
[canbia | canbia el còdaxe]- (EN) women’s suffrageEnçiclopedia Britannica, Encyclopædia Britannica, Inc.
Controło de autorità | LCCN (EN) sh85147346 · GND (DE) 4071434-2 · BNF (FR) cb119711882 (data) · NDL (EN, JA) 00563831 |
---|